Song: Xhoixobote Dhemalite (শৈশৱতে ধেমালীতে)
Singer: Bhupen Hazarika
 |
| Xhoixobote Dhemalite Song Lyrics |
Xhoixobote Dhemalite Song Lyrics:—
শৈশৱতে ধেমালীতে
তোমাৰে ওমলা মনত আছে,
ব’হাগ মাহৰ লুইতখনিত
দুয়ো সাঁতোৰা মনত আছে,
যৌৱনতে দুয়োৰে দেহাৰ
লাজুকী পৰশ মনত আছে,
মোৰ অবিহনে চিপজৰী ল’বা
বুলি কোৱা মোৰ মনত আছে;
ব’হাগ মাহৰ লগতে এদিন
আহিল বৰদৈচিলা,
সেই ধুমুহাত কাৰোবাৰ স’তে
তুমি দেখো গুচি গ’লা,
মনৰ গৰাকী এৰি তুমি
ধনৰ গৰাকী বৰিলা,
ধন ধন বুলি ধনৰ প্ৰেমেৰে
স্বৰূপ প্ৰকাশ কৰিলা;
বহুদিন গ’ল হথাতে সিদিনা
তোমাক দেখা মনত আছে,
আঁতৰৰ পৰা দেখিলো তোমাৰ
স্বৰ্ণ গহণা জিলিকিছে,
তোমাৰ অবিহনে চিপজৰী ল’ম
বুলি যদি তুমি ভাবিছা
ভুল কৰিছা সোণজনী মোৰ
অলিক সপোন দেখিছা;
জীয়াই থাকিম….
জীয়াই থাকি এখন সমাজ
গঢ়িবৰ মোৰ মন আছে,
অ’ জীয়াই থাকি এখন সমাজ
গঢ়িবৰ মোৰ পণ আছে,
য’ত সোণতকৈ মানুহৰ দাম
সোণতকৈ মানুহৰ দাম
অলপ হ’লেও বেছি আছে
অলপ হ’লেও বেছি আছে
অলপ হ’লেও বেছি আছে ৷
Download Link: Xhoixobote Dhemalite Song Lyrics | শৈশৱতে ধেমালীতে | Bhupen Hazarika